www.cambos.com

افلام
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخول  

شاطر | 
 

 اضحك للصبح

اذهب الى الأسفل 
كاتب الموضوعرسالة
Admin
Admin
avatar

المساهمات : 118
تاريخ التسجيل : 19/09/2007
العمر : 31

مُساهمةموضوع: اضحك للصبح   الجمعة سبتمبر 21, 2007 6:50 pm

واحد ندل قعد لمده سنه يتحايل على حبيبته علشان تخرج معاه ولما وافقت رح قال لأبوها
............ ......... ......
واحدة بقا ندلة بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس يالهوي وعملتي إيه ... عملت بامية وأمري لله ...

اتنين بيحششو عند الهرم فواحد بيقول التاني تعرف ان الفراعنة قعدو سنين يبنو في الاهرامات التاني قالو يا راجل ليه كدةقالو كل ما يرصو حجرين يجي البوليس ياخدهم


أتنين مسلمين محمد و إبراهيم تايهين فى الصحرا وجعانين فجاه لقو دير إبراهيم قال لمحمد أنا هأقول لهم إني اسمي جرجس ومحمد قال له لا يا عم .. أنا هاقول اسمي محمد فسألهم القسيس عن الاسم فقال إبراهيم اسمي جرجس ومحمد قال اسمي محمد فقال القسيس احضرو الطعام لمحمدو قولوا لجرجس نحن اليوم صائمون


واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال
... استنى شوية .. حاطنّنعك دنوأتي قاله نببنا يخننيك بسنعة .. قال لهو كمان بتتنيأ ؟؟؟
طب شوف مين حيطننعكّ

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكرانراح قايل لها طب أنا سكران حفوق بكرة .. وانتي ؟؟؟؟؟

دكتور بيعمل عملية في مخ مريض وطلّع المخ وحطة في الصينية جنبه وشغال في الـجـمـجـمـة شوية ودخلت قطة وكلت المخ الدكتور احتار ملقاش غير جوز الجزمة حطها في الجـمـجـمـة وقفلوبعد كام سنة سأله واحد زميلة بيقول له أخبار مريضك بتاع الجزمة ايه ؟؟رد علية وقال له عقبال أملتك دا بقي الوزير بتاعنا


اثنين أغبياء فى طياره معديه الأول قال إنها طياره الرئيس فقال الثاني إنها مش طياره الرئيس الأول والله دى طياره الرئيس الثاني لا مش طياره الرئيس فاتفقو أي حد معدى يسالوه فعدى واحد فسألوه دي طياره الرئيس فقالهم يا اغبياء طياره الرئيس بيمشي وراها موتوسكلات

واحد قالو له الحق مراتك قاعدة مع صاحبك في البستان راح جاري ورجع على طول وقال لهم هم شجرتين عملتوهم بستان والراجل طلع لا صاحبي ولا اعرفو

وحده تقول لزوجها ادبح خروفين بمناسبة مرور 25 سنه على زواجنا قال زوجها طيب و إيه ذنب الخروفين في غلطه أنا ارتكبتها من 25 سنه

حلاق راح السينما شاف فيلم سوالف النينجا



نكت مصرية





واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين



واحد أعمى فتح من الفرحة اتشل

واحد صعيدي رجع من السفر لقى البيت مليان صراصير غير كالون البيت

فيل اتجوز فرخة خلفوا تشيكن فيليه

واحد بيقول لشيخ هو ينفع الصلاة من غير وضوء ...
قاله لأ ماينفعش طبعاً ..
قاله ايه رأيك جربت امبارح و نفعت

واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى

واحد صعيدي حب يعمل روش كتب على الشومة أديداس


واحد صعيدي عاوز يقتل مراته حطيلها مسدس في الشوربة

واحد صعيدي ماشي في الشارع لقى قشرة موز ... قال ييييه حتزحلق تاني

واحد أحول جه يعيط رجع

واحد صعيدي مات جاله خمس ملايكة اتنين يحاسبوه و تلاتة يفهموه

واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس

واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق


واحد سودانى ماشى فى الغابة طلع عليه اسد قاله والنبى ما تاكلنى
الاسد قاله لا طبعا الدكتور محرج عليا المشوى

واحد سودانى قابل واحد سودانى قاله انتا سودانى قاله لاء لب ابيض

واحد سودانى اتجوز واحده سودانية خلفوا واد اشقر وعينيه زرقا سموه رجل المستحيل


مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5 ...



نكت مصرية










مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!
واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر





مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل



مرة واحد طلع الفضاء لما ينزل حكملك




ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه




مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة



عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!



واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو




- الابن : عايز فيتراك يابوى

ابوه : لازم تتجوز بنت عمك

الابن : فيتراك دى مربى يابوى

ابوه : بنت عمك عسل

الابن : فيتراك دى برطمان يابوى

ابوه : بنت عمك بلاص.


نكت مصرية


- مرة أتنين راحوا يزوروا متحف للفراعنة... فشافوا جثة متحنطة .....فالأول بيقول

للتانى شايف يله قالو ايوا شايف...فبصوا قوي كده شافوا يافطة مكتوب عليها

156ق.م...... راح الاول قال للتانى :وده يطلع ايييه؟...قالوه التانى:والله منا

عارف تلاقيها نمرة العربية الى داسته!!


- واحد دخل جنينة الحيوانات ودخّل راسه في قفص الاسد، الحارس جري عليه وقاله انت

بتعمل ايه يا مجنون ؟؟؟؟ قاله : ايه يابا .. يعني هنا كله .


- واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب

الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسةجنيه .


- كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا

الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى

واحد عدا البحر لكن وقع من فوق الجبل.... أما الثالث (كان غبى شوية) عدا البحر

وطلع الجبل وقتل الأميرة ..... و أتجوز الغوريلا .


- مرة واحد بيقولوا له .... مراتك ماشيه مع كهربائي المنطقه .... قال لهم ده ولا

كهربائي ولا بيفهم حاجه في الكهربه !!!


- واحد قابل واحد قلة انا كنت قاعد فى البلكونة وقعت عليا حلمبوحة رد التانى

وقال له , ويعنى اية بلكونة؟


- واحد غبى شاف قشرة موزه على الأرض فقال يييه هاتزحلق تانى .


- مرة واحد حب يطور الطيارة الهليكوبتر ركب بدل المروحة تكييف .


- اتنين صحاب أغبية ... الاول بيسأل التانى : هو ابوك متكبر علينا كده ليه ؟

التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول .


- واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط

بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم

وقال: ياجزم كنت هتخنق .


نكت مصرية

- واحد سفاح دخل شقة رجل قتل مراتة والراجل ضحك قتل ابنة والراجل لسة بيضحك قتل

بنتة والرجل فاضل يضحك قتل والدة والراجل هيموت على نفسة من الضحك فالسفاح

استغرب وسالة قالة انت بتضحك كدة لية وانا بقتل فى عيلتك فالراجل قالة وهو

بيضحك اطلع من دول يا ابراهيم يا نصر .


- ثلاثة مساطيل قاعدين في سهرة

الأول : أنا عندي فلوس أشتري فيها أمريكا الشمالية

الثاني : وأنا عندي فلوس أشتري فيها أمريكا الشمالية و الجنوبية

الثالث : و مين قالكم إني هابيع .


- واحدفاتح محل سمك ابنة مات فقال كان لسة صاحى وبيلعب



ارجو ان تكونوا استمتعتم بتلك المجموعة من النكت المصرية farao king
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cambos.forumrama.com
 
اضحك للصبح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.cambos.com :: منتدى الفكاهة والترفيه :: منتدى النكت-
انتقل الى: